Lənkəran şəhər Heydər Əliyev Mərkəzində "LevelUP" Karyera Forumu təşkil olunub. Bu haqda məlumatı Cenublu.az bu gün, 17 may tarixində verir.
İki paneldən ibarət forum "Gənclərin inkişafı" və "Karyera və biznes" istiqamətlərini əhatə edib. Forumda moderator qismində GİKM-in Gənc Könüllüsü Türkan Quliyeva çıxış edib.
Forumun I panelində "Gənclərin inkişafı üçün öyrənmənin və yeni imkanların təhlili mərhələləri" mövzusu üzrə çıxışçılar Azərbaycan Beynəlxalq Bankının Lənkəran filialının müdiri Rövşən Abbasov, “Rabitə Bank” ASC-nin Lənkəran filialının müdiri Zahir Məmmədəliyev, Lənkəran–Astara Regional Məşğulluq filialının şöbə müdiri Mehman Bağışzadə, KOB Astara bölməsinin nümayəndəsi Seymur Murtuzayev iştirak ediblər.
Forumun II panelində isə "Gənclərin karyera imkanları" mövzusu ilə “La RAN” MMC-nin rəhbəri Nurlan Nurəliyev, “Stim L” Tədris Mərkəzinin təsisçi direktoru Cabir Baxşıyev və “Eduland” Tədris Mərkəzinin direktoru Abutalıb Kamalov çıxış ediblər.
Yekunda gənclərin sualları spikerlər tərəfindən cavablandırılıb.
Tədbir Gənclərin İnkişaf və Karyera Mərkəzinin Lənkəran–Astara regional nümayəndəliyi və Lənkəran–Astara Regional Gənclər və İdman İdarəsinin təşkilatçılığı ilə baş tutub.
