Lənkəranda 54 yaşlı ata azyaşlı oğluna xəsarət yetirib. Bu haqda məlumatı Cenublu.az bu gün, 3 avqust tarixində Oxu.az-a istinadən verir.
Hadisə Lənkəran rayonu, Balıqçılar qəsəbəsində baş verib. Belə ki, spirtli içki təsiri altında olan Tahir həyat yoldaşı ilə mübahisə edib. Bu zaman azyaşlı oğlu Fərid onları ayırmağa çalışıb. Həmin zaman Tahir oğluna əsəbiləşərək masanın üstündəki stəkanı onun üstünə atıb.
Hadisəni törədən Tahir barəsində Cinayət Məcəlləsinin 128-ci (qəsdən sağlamlığa xəsarət yetirmə) maddəsi ilə ittiham elan edilib.
Cinayət işinə Lənkəran Rayon Məhkəməsində baxılıb. Məhkəmə təqsirləndirilən şəxsin zərərçəkmişlə barışmasını, zərərçəkmiş şəxsin ondan şikayətçi olmamasını nəzərə alıb. Bu səbəbdən Tahirin barəsində olan cinayət təqibinə xitam verilib.
O, cinayət məsuliyyətindən azad edilib.
