Lənkəran şəhərinin Heydər Əliyev Mərkəzində "Gənclərin mənalı iştirakçılığı" başlıqlı tədbir keçiriləcək. Bu haqda məlumatı Cenublu.az bu gün, 17 avqust tarixində verir.
22 avqust saat 14:00-da keçiriləcək təlimin məqsədi gənclərin qeyri-formal təhsil metodları vasitəsilə "Gənclərin iştirakçılığının əhəmiyyəti və mənalı təsiri", "Mənalı iştirakçılığın istiqamətləri", "Gənclərin sahədə iştirakının təşviqi", "Ünsiyyət bacarıqları", "İctimaiyyətin tərəfdarlığı və dəstəyi" mövzularında bacarıqlara yiyələnmələrinə dəstək olmaqdır.
Qeyd edək ki, bu layihə Avropa Gənclər Fondunun dəstəyi və Gənclər Təşkilatlarının Milli Şurası və GİKM-in Lənkəran-Astara regional nümayəndəliyinin birgə təşkilatçılığı ilə keçirilən "Azərbaycanın regionlarında gənc təlimçilərin bacarıqlarının inkişaf etdirilməsi" layihəsi çərçivəsində həyata keçiriləcək davamlılıq layihəsidir.
Təlimdə iştirak etmək üçün qeydiyyatdan keçmək mütləqdir.
