Lənkəranda 1965-ci il təvəllüdlü Kərəm yetkinlik yaşına çatmayan Elnarəyə (adlar şərti verilib - red.) təcavüz edib. Bu haqda məlumatı Cenublu.az bu gün, 18 aprel tarixində Oxu.az-a istinadən verir.
Belə ki, Kərəm 2022-ci il avqustun əvvəllərində Elnarəni dəniz kənarına apararaq ona qarşı seksual xarakterli hərəkətlər edib. Bu hal daha sonra bir neçə dəfə təkrarlanıb. Məsələnin üstü anası Elnarənin hamilə olduğunu bildikdə açılıb.
İstintaq orqanı tərəfindən Kərəmin barəsində Cinayət Məcəlləsinin 152.1-ci (on dörd yaşına çatmış, lakin on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Kərəm ittiham üzrə özünü təqsirli bilib. O bildirib ki, Elnarə ilə qonşu olublar və ailəvi dostluq ediblər:
“Qonşu olduğumuz üçün mən və həyat yoldaşım onlara qonaq gedirdik. Elnarənin ailəsi də bizə gəlirdi. Ona həmişə şirin sözlər demişəm, bədən quruluşunun yaxşı olduğunu bildirmişəm”.
Təqsirləndirilən şəxs deyib ki, Elnarənin yeni doğulmuş övladının atasıdır və doğulmuş Fuad adlı uşağın maddi təminatını tam şəkildə ödəyəcək.
İş üzrə zərərçəkmiş Elnarənin sözlərinə görə, o, atası, anası, qardaşı ilə birlikdə yaşayır:
“Dərslərə davamiyyətim normal olmadığı üçün 2023-cü ilin noyabrından orta məktəbə getməyi dayandırdım. Bizimlə qonşuluqda yaşayan təxminən 50 yaşlı Kərəm atamla dost idi”.
Elnarə qeyd edib ki, hər dəfə Kərəm cinsi əlaqədə olduqları üçün ona beş manat verib.
Cinayət işinə Lənkəran Rayon Məhkəməsində baxılıb. Məhkəmənin hökmü ilə Kərəmin barəsində Cinayət Məcəlləsinin 70-ci (şərti məhkum etmə) maddəsi tətbiq olunub. Ona üç il sınaq müddəti olmaqla bir il altı ay şərti cəza təyin olunub.
