Lənkəranda Xəzər dənizinin nəzarətsiz ərazisində çimməyə qadağa qoyulub. Bu haqda məlumatı Cenublu.az bu gün, 10 avqust tarixində Report-a istinadən verir.
Bu tədbir son günlərdə rayon ərazisində dənizdə batanların sayının artması səbəbindən görülüb.
Belə ki, Fövqəladə Hallar Nazirliyinin Kiçik Həcmli Gəmilərə Nəzarət və Sularda Xilasetmə Dövlət Xidmətinin Cənub dalğıc-axtarış qrupu Lənkəran rayonunun Sütəmurdov kəndi ərazisində nəzarətsiz çimərlikdə qabaqlayıcı addımlar atıb. Çimərlikdə "Çimmək qadağandır" lövhələri quraşdırılıb, qadağa lentləri çəkilib və həmçinin dənizin içərisinə doğru 120 metr uzunluğunda, 50 metr enində olan məsafədə şarlar yerləşdirilib.
