Lənkəranda dənizdə 2 nəfər boğulub. Bu haqda məlumatı Cenublu.az Report-a istinadən bu gün, 9 avqust tarixində verir.
Hadisə Lənkəranın Sütəmurdov kəndi ərazisində baş verib.
Əraziyə Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb edilib.
Batan şəxslərin meyiti tapılaraq çıxarılıb və aidiyyəti üzrə təhvil verilib.
Meyitləri tapılanlar 22 yaşlı Ramin Məmmədzadə və 15 yaşlı Aysu Qəhrəmanzadədir.
20 yaşlı Zeynəb Əliyeva isə FHN-in xilasediciləri tərəfindən sudan çıxarılaraq Lənkəran Rayon Mərkəzi Xəstəxanasına yerləşdirilib.
Zeynəb və Aysu xalaqızları olublar. Qızların boğulduğunu görən Ramin özünü onlara çatdırıb və qızlardan birini xilas edə bilib. Lakin ikinci cəhdi uğursuz olub və Aysunu xilas edərkən hər ikisi boğulub.
Ötən gün eyni ərazidə 5 nəfər boğulma təhlükəsi ilə üzləşib. Onlardan 2-si dünyasını dəyişib, 3-ü xilas olunub.
Faktla bağlı rayon prokurorluğunda araşdırma aparılır.
