Lənkəran şəhərindəki R.Bədəlov adına 9 nömrəli tam orta məktəbin şagirdlərinin yeni məktəbə köçürülməsi qərara alınıb. Bu haqda məlumatı Cenublu.az bu gün, 31 yanvar tarixində verir.
9 saylı tam orta məktəbin binasının təmirə ehtiyacı olması şagirdlər üçün müəyyən çətinliklər yaradır. Bununla bağlı adıçəkilən məktəb fəaliyyətini müvəqqəti olaraq 1 km aralıda yerləşən A.Məhərrəmov adına 7 nömrəli tam orta məktəbdə davam etdirəcək. Bu qərar Lənkəran-Astara Regional Təhsil İdarəsi tərəfindən təsdiqlənib.
Məktəbin köçürülməsi yaxın günlərdə icra olunacaq.
Daha öncə məktəbin qəzalı vəziyyəti ilə bağlı məlumat vermişdik.
Qeyd edək ki, 71 müəllimin çalışdığı və 495 şagirdin təhsil aldığı məktəb 1971-ci ildən fəaliyyət göstərir.
[URIS id=52960]
