Lənkəranda bir neçə gün əvvəl həyat yoldaşını baltalayıb, özünə isə xəsarət yetirən şəxs ölüb. Bu haqda məlumatı Cenublu.az bu gün, 16 mart tarixində Report.az-a istinadən verir.
Belə ki, cinayətdə şübhəli bilinən Şahəddin Məlikovun bu gün saxlanıldığı istintaq təcridxanasında öldüyü bildirilir. Onun ölümü ilə bağlı ailəsinə məlumat verilib.
Qeyd edək ki, qanlı hadisə rayonun Mamusta kəndində baş verib. 5 mart tarixində kənd sakini, 69 yaşlı Şahəddin Bayram oğlu Məlikov həyat yoldaşı, 72 yaşlı Xanımqız Həsən qızı Məlikovaya balta ilə xəsarət yetirdikdən sonra bıçaqla özünü yaralayıb. Məlikov polis əməkdaşları tərəfindən şübhəli şəxs qismində saxlanılıb, barəsində məhkəmənin qərarı ilə həbs qətimkan tədbiri seçilib.
Faktla bağlı araşdırma aparılır.
