Lənkəran KOB İnkişaf Mərkəzi (KOBİM) KOB subyektləri və biznesə başlamaq istəyənlər üçün ödənişsiz təlim təşkil edib. Bu haqda məlumatı Cenublu.az bu gün, 1 avqust tarixində verir.
Təlimdə 4 sahibkar və biznesə yeni başlamaq istəyən şəxs iştirak edib. Lənkəran KOBİM-in eksperti KOB-lərə rəqabət və rəqabət mübarizəsinin mahiyyəti və təsnifləşdirilməsi, rəqabət və rəqabət mübarizəsinin marketinq tədqiqatları, əmtəələrin rəqabət qabiliyyətliklərinin tədqiqinin praktiki məsələləri, məhsulun keyfiyyət səviyyəsi və rəqabət qabiliyyətliyinin qiymətləndirilməsi metodları barədə məlumat verib.
Təlimin sonunda mövzular ətrafında müzakirələr aparılıb və iştirakçıların sualları cavablandırılıb.
