Daha öncə xəbər verdiyimiz kimi, Ramazan bayramı ilə əlaqədar ölkədə 10-14 aprel tarixləri qeyri-iş günləri olacaq. Bunu nəzərə alaraq, Cenublu.az oxucuları üçün bayram günləri Lənkəranda fəaliyyət göstərəcək banklar haqda məlumat toplayıb.
Belə ki, 13 aprel tarixində Lənkəran şəhəri, Ş.Axundov küçəsi, 18-də yerləşən Azərbaycan Beynəlxalq Bankının Lənkəran filialı saat 10:00-dan 17:10-a qədər işləyəcək. Həmçinin Lənkəran regional “ASAN xidmət” mərkəzində yerləşən “Kapital Bank” 13-14 aprel saat 09:00-dan 16:00-a qədər fəaliyyət göstərəcək.
Qeyd edək ki, Lənkəran regional “ASAN xidmət” mərkəzi Lənkəran rayonu, Qurumba kəndinə bitişik ərazidə, Ələt–Astara yeni avtomobil yolunun 172-ci kilometrində yerləşir.
