Lənkəran rayonunda qəydə alınan qətl hadisəsi ilə bağlı təfərrüatlar ortaya çıxıb. Bu haqda məlumatı Cenublu.az bu gün, 25 dekabr tarixində Qaynarinfo.az-a istinadən verir.
Lənkəran rayonunun Separadi kəndində 40 yaşlı Bəhruz Məmmədov 49 yaşlı Zülfüqar Cəfərovu bıçaqlayaraq öldürüb.
Şübhəli bilinənən B.Məmmədov kənddəki "Ay İşığı" adlı böyük marketin sahibidir. Münaqişə də adıçəkilən marketə görə baş verib. Z.Cəfərov özünü kriminal aləmin üzvü kimi təqdim edərək, marketin sahibindən "aylıq haqq" tələb edib. İki şəxs arasında mübahisə davaya çevirilib. Nəticədə Bəhruz Məmmədov Zülfüqar Cəfərovu bıçaqlayıb. Hadisədən sonra obyektin sahibi onu Lənkəran rayon Mərkəzi Xəstəxanasına çatdırıb.
Məlumata görə, Zülfüqar Cəfərovun 18 yaşlı oğlu hadisənin şahidi olub.
Qeyd edək ki, qətldan sonra B.Məmmədov könüllü olaraq polisə təslim olub.
Araşdırma aparılır.
