Lənkəran rayonunda dənizdə boğulma halları çoxalıb. Bu haqda məlumatı Cenublu.az bu gün, 14 avqust tarixində verir.
Hadisələr rayonun Sütəmurdov kəndi ərazisində, Xəzərin nəzarət olunmayan sahilində qeydə alınıb. Bu ərazidə son 1 ayda 9 nəfər çimərkən batıb. Əraziyə “çimmək qadağandır” və “təhlükəli ərazi” nişanları yerləşdirilib, həmin hissə xüsusi lentlə haşiyələnib.
Xatırladaq ki, Fövqəladə Hallar Nazirliyinin dövlət sularda xilasetmə məntəqəsi Lənkəranın Sütəmurdov kəndindən 3 km aralıdadır.
FHN-in Cənub regional mərkəzinin sektor müdiri Zaur Hüseynov bildirib ki, cari il yay mövsümü ərzində 116 nəfər, ümumilikdə isə 124 nəfər sulardan xilas olunub.
