Lənkəranda “Qan ver, yaşat” devizi altında könüllü qanvermə aksiyası keçirilib. Bu haqda məlumatı Cenublu.az bu gün, 13 iyun tarixində verir.
Humanitar aksiya Mərkəzi Qan Bankının Lənkəran bölməsində baş tutub. Burada Gənclər və İdman Nazirliyinin yerli qurumlarının əməkdaşları, idmançılar, idman ictimaiyyətinin nümayəndələri, könüllülər olmaqla 50-yə yaxın gənc iştirak edib.
Xüsusi tibb briqadasının həkim-hematoloqları donorları müayinə etdikdən sonra onlardan qan götürüblər. Toplanan qan laboratoriyada müayinədən keçirilərək hemofiliyalı və talassemiyalı xəstələrin müalicəsində istifadə olunacaq.
