Lənkəran rayonunda yeniyetmə dənizdə boğulub. Bu haqda məlumatı Cenublu.az bu gün, 10 avqust tarixində Report-a istinadən verir.
Hadisə rayonun Sütəmurdov kəndində, çimərlik ərazisində qeydə alınıb. Batmaq təhlükəsi ilə üzləşən şəxs huşsuz vəziyyətdə sudan çıxarılıb. Təcili Tibbi Yardım briqadası tərəfindən ilkin zəruri tədbirlər görülsə də, boğulan yeniyetmə Lənkəran Rayon Mərkəzi Xəstəxanasına çatdırılanda üzərində həyat əlaməti olmayıb.
Meyit daxili və xarici müayinə üçün Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib.
Yeniyetmənin Cəlilabad rayon sakini, 16 yaşlı Nurlan Əmirov olduğu müəyyən edilib.
Faktla bağlı araşdırma aparılır.
Xatırladaq ki, ötən gün eyni ərazidə 5 nəfər boğulma təhlükəsi ilə üzləşib. Onlardan 2-si vəfat edib, 3-ü xilas olunub.
