Azərbaycan Respublikasının Qida Təhlükəsizliyi Agentliyi (AQTA) əməkdaşları tərəfindən aparılan monitorinqlər zamanı Lənkəran və Masallı rayonlarında fəaliyyət göstərən heyvan kəsimi və ət satışı məntəqələrində bir sıra nöqsanlar aşkar olunub. Bu haqda məlumatı Cenublu.az bu gün, 21 avqust tarixində verir.
Belə ki, Lənkəran rayonunun Səpnəkəran kəndində Xəlilov Arzu Xankişi oğluna və Bala Şürük kəndində Qurbanov İsrafil Mütəllim oğluna, həmçinin Masallı rayonunun 20 Yanvar küçəsindəki “Köhnə Bazar” ərazisində yerləşən İbadov Elnur Xanhüseyn oğluna məxsus heyvan kəsimi və ət satışı məntəqələrində nöqsanlar aşkarlanıb.
Aşkarlanmış uyğunsuzluqlarla əlaqədar inzibati protokol tərtib edilib.
