Qida Təhlükəsizliyi Agentliyi (AQTA) ölkədə heyvan kəsiminin normativ tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.
Bu haqda məlumatı Cenublu.az bu gün, 10 avqust tarixində qurumun mətbuat xidmətinə istinadən verir.
8 avqust tarixində agentlik əməkdaşları tərəfindən heyvan kəsimi və ət satışı məntəqələrində aparılan monitorinqlər zamanı Masallı və Lənkəran rayonlarında bir sıra nöqsanlar aşkar olunub.
Uyğunsuzluqlarla əlaqədar Masallı rayonunun Təzə Alvadı kəndində Əli Abbasova, Lənkəran rayonu, N. Gəncəvi küçəsindəki bazar ərazisində yerləşən Atəş Həsənov və Cavid Babayevə məxsus heyvan kəsimi və ət satışı məntəqələri ilə bağlı inzibati tədbir görülüb.
