Aqrar Sığorta Fondu əkin sahələri və heyvandarlıq təsərrüfatlarının sığortalanması sahəsində fermerlərlə Lənkəran və Masallıda görüş keçirib. Bu haqda məlumatı Cenublu.az bu gün, 26 dekabr tarixində verir.
Lənkəran və Masallı rayon icra hakimiyyətlərinin dəstəyi ilə təşkil olunan görüşlərdə fermer və təsərrüfat sahiblərinə aqrar sığorta şərtləri, onun üstünlükləri, sığorta hadisələri və zərərin ödənişi prosesi barədə ətraflı məlumat verilib.
Görüşlərdə aqrar sığorta şərtləri, ödənişlər, sığortanın əhatə dairəsinin genişləndirilməsi ilə bağlı fikir mübadiləsi aparılıb, fermerlərin rəy və təklifləri qeydiyyata alınıb.
Qeyd edək ki, tədbirlərdə Aqrar Sığorta Fondunun elektron xidmətləri, o cümlədən “Sığorta kalkulyatoru” kimi yeniliklər də nümayiş olunub.
