Lənkəran və Masallı “ASAN Xidmət” mərkəzləri üzrə vakant olan sıravi və kiçik rəis heyəti vəzifələrinə xanımların qəbulu elan edilir. Bu haqda məlumatı Cenublu.az bu gün, 15 avqust tarixində verir.
Müsabiqədə yaşı 20-dən 30-dək, boyu 160 santimetrdən yuxarı olan, Azərbaycan Respublikasının dövlət ali təhsil müəssisələrini bitirən, əvvəllər özü və yaxın qohumları qəsdən törədilən ağır cinayətlərə görə məhkum edilməyən cənub bölgəsi üzrə rayonlarda qeydiyyatda olan vətəndaşlar iştirak edə bilərlər.
Müsabiqədə iştirak etmək istəyən xanımlar 2023-cü il avqustun 28-dək Lənkəran rayonunun Göyşaban kəndində yerləşən Daxili İşlər Nazirliyinin müvafiq Baş İdarəsinin Cənub Bölgəsində Regional Şöbəsinə müraciət edə bilərlər.
Xarici dillərdən birini sərbəst bilən və kompüterlə işləmək qabiliyyətinə malik namizədlərə üstünlük veriləcək.
Əlavə məlumat almaq istəyən şəxslər (012) 590-64-41 nömrəsinə zəng edə bilərlər.
