Lənkəran sakinləri redaksiyamıza şəhər ərazisində olan sahibsiz itlərlə bağlı növbəti şikayət ünvanlayıblar.
Cenublu.az xəbər verir ki, Fikrət Məmmədov küçəsində (“Dosa Mall”ın yanında təzə tikintiyə başlamış binanın yanı) sahibsiz itlərin çoxluğu həm burada yaşayanları, həm də ərazidən keçənləri narahat edir
İşə və dərsə gedənlər, ərazidən keçənlər itlərin kütləvi hücumuna məruz qalırlar.
Sakinlərin sözlərinə görə, nə gündüz, nə də gecə vaxtı çölə çıxmaq mümkün deyil:
“Küçə itləri gecə vaxtı daha da təhlükəli və qorxulu olurlar. Lənkəranda il ərzində it dişləmə halları çox baş verir. Sahibsiz itlər zərərsizləşdirilməli, torlar vasitəsilə tutulub ərazidən uzaqlaşdırılmalı və sığınacaqlarda yerləşdirilməlidir”, – deyə sakinlər bildiriblər.
View this post on Instagram
