Lənkəranın bir kəndində işləyən mikroavtobus sürücüsünün cəriməsi Şəkidə yaşayan traktor sürücüsünə göndərilib. Bu haqda məlumatı Cenublu.az bu gün, 31 iyul tarixində Xezerxeber.az-a istinadən verir.
Şəki rayonu, Baş Zəyzid kəndinin traktor sürücüsü olan 56 yaşlı Etibar İbrahimovun ünvanına sürət həddini aşma səbəbindən cərimə protokolu gəlib. Protokolda 10-XC-835 nomrəli Lənkəranın bir kəndində işləyən mikroavtobusun şəkli təqdim olunub, maşının sahibi kimi isə Şəkidən olan Etibar İbrahimov göstərilib.
Məsələ ilə bağlı Baş Dövlət Yol Polisi İdarəsindən bildirilib ki, araşdırma aparılacaq və məsələyə hüquqi qiymət veriləcək.
