Lənkəran şəhəri, Mir Mustafa xan küçəsinin sakini redaksiyamıza müraciət edərək həyəcan təbili çalıb.
O bildirir ki, ərazinin dəfələrlə təmizlənməsinə baxmayaraq, bəzi məsuliyyətsiz insanlar buranı zibilləməkdə davam edir:
“Həyətimizdə zibil qutusu olmadığından buranı hər gün zibilləyirlər. Biz, həyət sakinləri dəfələrlə buranı təmizləmişik, lakin nə fayda?! Zibili düz küçənin ortasına atmağa davam edirlər. Mərkəzi küçədir, insanlar daim burada hərəkət edirlər. Görəsən, zibili bura atanlara bu mənzərəni görmək xoşdur? Zibili hər kəs öz qapısı qarşısına qoyub aidiyyəti üzrə təhvil versə, bu cür mənzərə yaranmaz. Xahiş edirik qurumlardan, bu cür məsuliyyətsiz və şəhərimizə düşmən kəsilən insanlar barəsində ölçü götürsünlər”.
