Lənkəran sakini paytaxt sakininə məxsus motosikleti qaçırmaqda şübhəli bilinərək saxlanılıb. Bu haqda məlumatı Cenublu.az bu gün, 1 avqust tarixində xəbər verir.
Hadisə Bakı şəhərinin Novxanı çimərliyində qeydə alınıb. Belə ki, R.Həsənova məxsus “Nama” markalı motosikletin qaçırılması barədə polisə məlumat daxil olub.
Binəqədi RPİ 43-cü Polis Bölməsi əməkdaşları nəqliyyat vasitəsini qaçırmaqda şübhəli bilinən Lənkəran rayon sakinini, əvvəllər məhkum olunmuş A.Həsənovu motosikletlə birlikdə saxlayıblar.
Binəqədi Rayon Polis İdarəsində araşdırma aparılır.
