Yeni Azərbaycan Partiyasının (YAP) Lənkəran rayon təşkilatının Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Lənkəran regional “ASAN xidmət” mərkəzi üzrə ərazi partiya təşkilatı təsis edilib. Bu haqda məlumatı Cenublu.az bu gün, 29 fevral tarixində verir.
Keçirilmiş iclasda YAP Lənkəran rayon təşkilatının sədri İqbal Əmənullayev, agentliyin sədr müavini Ceyhun Salmanov, YAP Lənkəran rayon təşkilatının əməkdaşları və Lənkəran regional “ASAN xidmət” mərkəzində çalışan YAP üzvləri iştirak ediblər.
İclasda Lənkəran regional “ASAN xidmət” mərkəzinin sədri Ülvi Həsənzadə ərazi partiya təşkilatının sədri, Lənkəran regional "ASAN xidmət" mərkəzi, Vətəndaşların qəbulu işinin təşkili sektorunun aparıcı məsləhətçisi Fariz Quliyev isə sədr müavini seçiliblər.
Sonda birgə fəaliyyət istiqamətləri müzakirə olunub.
