Lənkəran Melioservis İdarəsi barəsində inzibati xəta protokolu tərtib olunub. Bu haqda məlumatı Cenublu.az bu gün, 4 sentyabr tarixində verir.
Protokol İnzibati Xətalar Məcəlləsinin 347-ci maddəsi ilə irəli sürülüb. Sözügedən maddəyə görə, hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər 150 manat, hüquqi şəxslər isə 300 manat məbləğində cərimə edilirlər.
İş Lənkəran Rayon Məhkəməsinin hakimi Nicat Ağabəyovun icraatına verilib.
