Lənkəran rayonu, Şiləvar kəndinin qəbiristanlığı uzun müddətdir ki, təmizlənmir. Bu haqda məlumatı Cenublu.az bu gün, 16 avqust tarixində verir.
Belə ki, şəhidlərin basdırıldığı qəbiristanlığı ot basıb və nəticədə o ərazidə ilanlar çoxalıb. Sakinlərin sözlərinə görə, ailələr gəlib, öz doğmalarını yad etməkdən qorxurlar.
Onlar bildiriblər ki, məsələ ilə bağlı aidiyyəti qurumlara dəfələrlə müraciət ediblər, lakin problem həllini hələ də tapmayıb.
