Lənkəran Dövlət Dram Teatrında 132-ci mövsümün yekunu ilə bağlı mərasim keçirilib. Bu haqda məlumatı Cenublu.az bu gün, 21 iyul tarixində verir.
Teatrın direktor v.i.e. İntiqam Hacılı və teatrın yaradıcı kollektivi mövsum ərzində qazanılan uğurlar və qarşıda duran vəzifələrdən söz açıblar.
Mərasimdə ötən mövsümdə teatr repertuarının zənginləşdirilməsi istiqamətində işlərin görülməsi, 10 tamaşa və kompozisiyanın hazırlanması və yeni teatr mövsümündə də bu tamaşaların sayının artırılacağı vurğulanıb.
Qeyd edək ki, teatr bu mövsümdə Biləsuvar və Lerik rayonlarında qastrol səfərlərində olub.
Teatrda ulu öndər Heydər Əliyevin 100 ilik yubileyi və Milli peşəkar Azərbaycan teatrının yaranmasının 150 illiyi münasibətilə "Uçan səhnə" layihəsi baş tutub. Bu layihə gələn teatr mövsümündə də davam edəcək.
