Lənkəran Olimpiya İdman Komplesində Lənkəran-Astara Regional Gənclər və İdman İdarəsinin rəisi Teymur Babazadə regional müşavirə keçirib. Bu haqda məlumatı Cenublu.az bu gün, 10 avqust tarixində verir.
Müşavirədə rayonlarda gənclər və idman siyasətinin icrası, ümumi təşkilati məsələlər, kütləviliyin artırılması üçün vacib addımlar, uşaq-gənclər idman məktəblərinin vəziyyəti və digər məsələlər müzakirə olunub.
Sonda müzakirə olunan məsələləri dinləyən idarə rəisi aidiyyəti şəxslərə müvafiq sahələr üzrə tövsiyə və tapşırıqlarını verib.
Qeyd edək ki, tədbirdə regional idarəyə daxil olan sektorların, həmçinin idarənin nəzdində fəaliyyət göstərən UGİM-lərin müdirləri və əməkdaşları iştirak ediblər.
