Lənkəran-Astara Regional Təhsil İdarəsinin müdir müavini Famil İsayev vəzifəsindən istefa edib. Bu haqda məlumatı Cenublu.az bu gün, 23 avqust tarixində Lent.az-a istinadən verir.
Belə ki, o, bu addımı həyat yoldaşının səhhətində olan problemlərə görə atıb. İş yerinin yerləşdiyi ərazinin iqlimi yoldaşının xəstəliyinə uyğun olmadığı üçün Famil İsayev vəzifəsindən imtina edib.
Qeyd edək ki, Famil Kamal oğlu İsayev 2004-cu ildə Lənkəran Dövlət Universitetinin coğrafiya müəllimi ixtisası üzrə bakalavr pilləsini, 2007-ci ildə isə Ekologiya ixtisası üzrə magistr pilləsini bitirib. O, peşəkar fəaliyyəti dövründə coğrafiya müəllimi, özəl təhsil sektorunda idarəçi, fənn metodisti, təlimçi, müxtəlif layihələrin rəhbəri və Təhsil İnstitutunun coğrafiya fənni üzrə vebinarının spikeri olub. Eyni zamanda ixtisası üzrə müxtəlif dərs vəsaitlərinin müəllifi və həmmüəllifidir.
O, 30 may tarixində qeyd olunan vəzifəyə təyin olunmuşdur.
