Lənkəran-Astara Regional Təhsil İdarəsinə müdir müavini təyin olunub. Bu haqda məlumatı Cenublu.az bu gün, 3 avqust tarixində verir.
Belə ki, sözügedən vəzifəyə Rəhimov Rəhim Rafiq oğlu təyinat alıb.
Rəhim Rəhimov 1998-ci ildə Bakı Dövlət Universitetinin Şərqşünaslıq ixtisası üzrə bakalavr pilləsini, 2004-cü ildə isə Sumqayıt Dövlət Universitetində Müasir Azərbaycan ədəbiyyatı ixtisası üzrə magistr pilləsini bitirib.
O, uzun müddət müəllim kimi fəaliyyət göstərib. 2011-ci ildən etibarən Ucar rayon Qazıqumlaq kənd 1 nömrəli tam orta məktəbində direktor vəzifəsində işləyib. 2022-ci ildən Lənkəran-Astara Regional Təhsil İdarəsinin İnzibati təşkilat sektorunun müdiri vəzifəsində çalışıb.
