Əmək və Əhalinin Sosial Müdafiəsi Nazirliyinin (ƏƏSMN) aparat rəhbəri Fuad Musayev Lənkəran rayonunda sakinləri qəbul edib. Bu haqda məlumatı Cenublu.az bu gün, 17 sentyabr tarixində verir.
Müraciət edənlər sırasında Milli Qəhrəman Əliyev Əsgər Ələkbər oğlunun atası Əliyev Ələkbər Zülü oğlu da olub. F.Musayev qəhrəmanımızın ailəsinin sosial vəziyyəti ilə maraqlanıb, onların və bütün şəhid ailələrinin qayğı ilə əhatə olunmasının bu gün nazirlik üçün başlıca fəaliyyət istiqamətlərindən olduğunu bildirib.
Qəbul zamanı vətəndaşların Əmək və Əhalinin Sosial Müdafiəsi Nazirliyinin səlahiyyət dairəsinə aid müraciətləri cavablandırılıb, müraciətlərdə əksini tapan məsələlərin həlli ilə əlaqədar tədbirlər görülüb.
