"20 Yanvar - Ümumxalq Hüzn Günü"nün 32-ci ildönümü ilə əlaqədar 2Zəfər zirvəsindən tariximizə baxış" mövzusunda elmi-praktik konfrans keçirilib. Bu haqda məlumatı Lənkəran Gənclər və İdman İdarəsi verib.
Tədbir şəhidlərimizin əziz xatirəsinin ehtiramla yad edilməsi ilə başlanıb.
Daha sonra çıxış edənlər 20 yanvar faciəsi haqda ətraflı danışıblar, Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələrinin Bakıya və Azərbaycanın bir neçə rayonuna yeridilməsi, dinc əhalini kütləvi qətlə yetirilməsi həqiqətlərini çatdırıblar.
Sonda şagirdlər 20 yanvar haqda şeirlər söyləyiblər.
Qeyd edək ki, tədbir Lənkəran Şəhər Gənclər və İdman İdarəsi, Lənkəran Şəhər Təhsil Şöbəsi, Dini Qurumlarla İş üzrə Dövlət Komitəsinin (DQİDK) Lənkəran bölgəsi üzrə şöbəsi, Gənclərin İnkişaf və Karyera Mərkəzinin Lənkəran numayəndəliyinin birgə təşkilatçılığı ilə R.Məmmədov adına 5 nömrəli tam orta məktəbdə keçirilmişdir.
[caption id="attachment_9381" align="alignnone" width="300"]
Lənkəran şəhər Gənclər və İdman İdarəsi[/caption]
