Sanitar-Karantin Xidmətinin baş müfəttişləri tərəfindən "İstivurma və günvurma" mövzusunda təlim keçirilib. Bu haqda məlumatı Cenublu.az bu gün, 11 avqust tarixində verir.
Azərbaycan Respublikası Ekologiya və Təbii Sərvətlər Nazirliyinin Milli Hidrometeorologiya Xidmətinin proqnozuna görə, ölkə ərazisində isti hava şəraitinin yaxın günlər ərzində davam edəcəyi, havanın temperaturunun bəzi yerlərdə 42-44 dərəcəyədək artacağı gözlənilir.
Bu məqsədlə Astara Gömrük İdarəsinə təhkim olunmuş Sanitar-Karantin Xidmətinin baş müfəttişi tərəfindən gömrük sərhəd-buraxılış məntəqələrinin əməkdaşlarına və açıq havada xidmət aparan digər işçi heyətə istivurma və günvurmanın əlamətləri, profilaktik tədbirlər və həkiməqədərki ilk yardım göstərilməsinə dair "İstivurma və günvurma" mövzusunda təlim keçirilib.
