İqtisadiyyat nazirinin müavini Sahib Ələkbərov Masallı şəhərində Masallı və Yardımlı sakinlərini qəbul edib. Bu haqda məlumatı Cenublu.az bu gün, 24 iyul tarixində verir.
Nazirliyin aidiyyəti struktur bölmələrinin rəhbərləri tərəfindən keçirilən qəbulda vətəndaşların müraciətləri diqqətlə dinlənilib, onlara müraciət etdikləri məsələlərlə bağlı izahat verilib, araşdırma tələb edən müraciətlər isə qanunvericiliyin tələblərinə uyğun qısa müddətdə baxılması üçün qeydiyyata alınıb.
Nazir müavini Masallı Sənaye Məhəlləsində müxtəlif müəssisələrin fəaliyyəti ilə tanış olub.
Qəbula gələn vətəndaşların müraciəti sahibkarlığın inkişafı, o cümlədən güzəştli kreditlərin verilməsi, vergi inzibatçılığı, infrastruktur və s. məsələlərlə bağlı olub.
