Lənkəranda ildırım vurması nəticəsində şəhid olan hərbçilər təltif edildi
Lənkəranda xidməti vəzifələrini yerinə yetirərkən ildırım vurması nəticəsində şəhid olan Dövlət Sərhəd Xidmətinin hərbi qulluqçuları ölümlərindən sonra ordenlə təltif ediliblər.
Cenublu.az xəbər verir ki, Prezident İlham Əliyevin Sərəncamı ilə Azərbaycanın ərazi bütövlüyünün bərpası uğrunda gedən döyüş əməliyyatlarında və dövlət sərhədinin mühafizəsi üzrə xidməti vəzifələrinin icrası zamanı igidlik və mərdlik göstərmiş, vəzifə borcunu şərəflə yerinə yetirərək şəhid olmuş Dövlət Sərhəd Xidmətinin hərbi qulluqçuları ölümündən sonra 3-cü dərəcəli "Vətənə xidmətə görə" ordeni ilə təltif ediliblər.
Təltif olunanlar arasında 2024-cü il iyunun 9-da Lənkəran sərhəd dəstəsinin xidməti ərazisində dövlət sərhədinin mühafizəsi üzrə xidməti vəzifələrini yerinə yetirərkən ildırım vurması nəticəsində şəhid olan mayor Baxışlı Baxış Elşən oğlu və əsgər Nağıyev Əli Elşən oğlu da var.
Onlar göstərdikləri xidmət və fədakarlığa görə ölümündən sonra 3-cü dərəcəli "Vətənə xidmətə görə" ordeni ilə təltif ediliblər.
