Lənkəran rayonu Gərmətük qəsəbə tam orta məktəbinin müəllimi Dünya Veysəlovanın “Müəllimə dəstək” adlı ikinci kitabı işıq üzü görüb. Bu haqda məlumatı Cenublu.az bu gün, 9 aprel tarixində verir.
Belə ki, məktəbin texnologiya müəllimi olan Dünya Veysəlovanın müəllim və müdavimlər üçün nəzərdə tutulan "Müəllimə dəstək" nəzəriyyə və test toplusu adlı ikinci kitabı çap olunub.
Qeyd edək ki, Dünya Adil qızı Veysəlova 25 noyabr 1997-ci ildə Lənkəran rayonunda anadan olub. 2013-2017-ci illər ərzində Lənkəran Dövlət Universitetinin nəzdində Sosial və Aqrar-Texnoloji Texnologiya müəllimliyi ixtisası üzrə təhsil alıb. 2022-ci ildə Elm və Təhsil Nazirliyinin həyata keçirdiyi Müəllimlərin Ìşə Qəbulu müsabiqəsində yüksək nəticə əldə edərək, Lənkəran rayonu Gərmətük qəsəbə tam orta məktəbində texnologiya müəllimi olaraq pedaqoji fəaliyyətdə olub.
Fəaliyyət göstərdiyi təhsil müəssisəsində yeni metodlarla dərsləri tədris edərək şagirdlərin dərsə marağının artmasına ciddi səy verən müəllim Təhsil Forumu sosial platforması tərəfindən "Fəal müəllim" və "İlin müəllimi" Fəxri diplomları ilə təltif olunub.
O, Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə 7-ci müsabiqəsinin qalibi olub.
