Lənkəran rayonunda yerləşən Hirkan Milli Parkında yanğınların qarşısının vaxtında alınması mövzusunda tədbir baş tutub. Bu haqda məlumatı Cenublu.az bu gün, 14 avqust tarixində verir.
Ekologiya və Təbii Sərvətlər və Fövqəladə Hallar Nazirliklərinin regional qurumunun, yerli icra və bələdiyyə orqanları əməkdaşlarının, eləcə də sakinlərin iştirak etdiyi tədbirdə yaşıllıq ərazilərdə baş verə biləcək yanğınların qarşısının vaxtında alınması sahəsində birgə əməkdaşlığın əhəmiyyəti müzakirə olunub.
Tədbirin sonunda mövzü ətrafında fikir mübadiləsi aparılıb, iştirakçıları maraqlandıran suallar cavablandırılıb.
