Azərbaycan Dövlət İqtisad Universitetinin tələbələri və müəllim heyəti Hirkan Milli Parkını ziyarət edib. Bu haqda məlumatı Cenublu.az bu gün, 4 aprel tarixində verir.
Bioloji Müxtəlifliyin Qorunması Xidmətində təcrübə keçən tələbələrə milli park haqqında məlumatlar verilib. Onlar Hirkan tipli endemik və relikt bitki növləri ilə əyani tanış olublar. Həmçinin tələbələr Xanbulan gölünün füsunkar gözəlliklərini yaxından müşahidə edib, müxtəlif oyunlar oynayaraq asudə vaxtlarını əyləncəli şəkildə keçiriblər.
