Gənclər və İdman Nazirliyinin yaradılmasının 29-cu ildönümü münasibətilə Lənkəran-Astara Regional Gənclər və İdman İdarəsinin rəisi Teymur Babazadə Masallı rayon Heydər Əliyev Mərkəzində rayonun idman ictimaiyyətinin nümayəndələri ilə görüş keçirib. Bu haqda məlumatı Cenublu.az bu gün, 27 iyul tarixində verir.
Görüş zamanı Teymur Babazadə çıxış edərək Azərbaycan Milli Olimpiya Komitəsinin prezidenti, ölkə rəhbəri İlham Əliyevin idmana olan tükənməz qayğısı sayəsində respublikada gənclər-idman siyasətinin inkişafı istiqamətində atılan addımlardan, regionlarda idmanın kütləviliyinə nail olunmasından ötrü qarşıda duran vəzifələrdən bəhs edib, idman məktəbləri, klub, zal və stadionların fəailiyyəti, idman avadanlıqları ilə təminat, əhali arasında idmanın təşviqi, “Heydər Əliyev İli” çərçivəsində tədbirlərin, eləcə də müxtəlif idman növləri üzrə yarışların, narkomaniya və digər zərərli vərdişlərin profilaktikası üzrə və digər sosialyönümlü layihələrin həyata keçirilməsindən danışıb.
Görüşdə LARGİİ-nin Masallı rayonu üzrə sektor müdiri Sabiq Cahangirov və LARGİİ-nin əməkdaşı Yusif Xamiyev çıxış edərək qalib idmançıları, məşqçiləri təbrik edib, qarşıdakı yarışlarda uğurlar arzulalayıblar.
Diskussiya formatında keçən görüşdə idmançılarımız bundan sonra da beynəlxalq yarışlarda uğurla çıxış edəcəklərinə əminlik ifadə ediblər, idman məktəbləri müəllimlərinin və məşqçilərin təklifləri dinlənilib və müzakirələr aparılıb.
