Gənclər və İdman Nazirliyi Lənkəran şəhər Tibbi-bədən tərbiyəsi dispanserinə işə qəbul elan edir. Bu haqda məlumatı Cenublu.az bu gün, 17 avqust tarixində verir.
Belə ki, həkim-stomatoloq, həkim-terapevt, həkim-nevropatoloq və həkim-kardioloq vəzifələrinə sənəd qəbulu keçirilir.
Qeyd edilən vakansiyalar üzrə namizədlər aşağıdakı tələblərə cavab verməlidirlər:
- Ali tibb təhsili (Rezidentura təhsili);
- Minimum iş stajı: 2 il;
- Yaş həddi: 50 yaşadək;
- Kollektivlə işləmək bacarığı;
- Səhiyyə sahəsində mövcud qanunvericilik üzrə biliklər;
- Azərbaycan dilində səlis yazı və danışıq bacarığı;
- Xarici dil bilikləri əlavə üstünlükdür;
- Sertifikasiya üzrə şəhadətnamənin mövcudluğu;
- MC Office (Word, Excel) proqramlarında işləmək bacarığı.
Namizədlərin təqdim edəcəkləri sənədlər:
- CV forması (CV-də və “mövzu” bölməsində iddia edilən vəzifənin adı mütləq qeyd olunmalıdır, CV Azərbaycan dilində tərtib edilməlidir);
- Şəxsiyyət vəsiqəsinin surəti;
- Ali tibb təhsili haqqında diplomun surəti.
Qeyd edək ki, CV forması aydın şəkildə, tam doldurulmayan və qeyd edilən tələblərə cavab verməyən namizədlərin sənədlərinə baxılmayacaq.
