Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramov Lerikdə vətəndaşları dinləyəcək. Bu haqda məlumatı Cenublu.az bu gün, 7 mart tarixində verir.
Qəbul 13 mart tarixində baş tutacaq. Burada Lerik və Lənkəran rayon sakinləri əlilliyin qiymətləndirilməsi, tibbi-sosial ekspertiza, reabilitasiya və qurumun fəaliyyət istiqamətlərinə dair məsələlər üzrə müraciətlərini səsləndirə biləcəklər.
İştirak etmək üçün 142 Çağrı Mərkəzinə zəng edərək, [email protected] elektron poçt ünvanına yazaraq, ya da DTSERA-nın sosial şəbəkə hesabları vasitəsi ilə müraciət edərək qeydiyyatdan keçmək lazımdır.
