Uzun illər Cəlilabad şəhər Ş.İ.Xətai adına 4 nömrəli tam orta məktəbdə Azərbaycan dili və ədəbiyyatı müəllimi kimi çalışan, Yeni Azərbaycan Partiyası (YAP) Cəlilabad Qadınlar Şurasının sədri olmuş Fərqanə Məmmədova vəfat edib.
Cenublu.az xəbər verir ki, Fərqanə Şirindil qızı Məmmədova rayonun ictimai-siyasi həyatında fəal iştirak edib, təhsil sahəsində uzunmüddətli və səmərəli fəaliyyəti ilə tanınıb.
Qeyd edək ki, o, təhsil sahəsindəki xidmətlərinə görə Azərbaycan Respublikası Prezidentinin Sərəncamı ilə "Tərəqqi" medalı ilə təltif olunub.
