Cəlilabadın Uzuntəpə kəndində yerləşən Paşatəpə arxeoloji abidəsində tapılan daş kürə ilə bağlı aparılan araşdırmaların nəticəsi məlum olub.
Cenublu.az xəbər verir ki, elmi təhlillər zamanı tapıntının Neolit dövrünə aid olduğu müəyyənləşdirilib.
Daş kürə Tokio Universitetinin Muzeyinin direktoru, professor Yoşihiro Nişiaki və Azərbaycan-Almaniya beynəlxalq arxeoloji ekspedisiyasının tədqiqatçısı Karolina Hrubi tərəfindən araşdırılıb. Onun tipoloji xüsusiyyətlərinə əsasən Levant tipli artefakt olduğu qənaətinə gəlinib.
