Astara, Cəlilabad, Lerik, Masallı və Yardımlı rayonlarında “Abituriyent Məsləhət Mərkəzləri” fəaliyyət göstərəcək. Bu haqda məlumatı Cenublu.az bu gün, 17 avqust tarixində verir.
Tədbirdə abituriyentlərə Dövlət İmtahan Mərkəzinin Lənkəran Regional Bölməsinin əməkdaşları və Lənkəran-Astara Regional Təhsil İdarəsinin rayonlar üzrə təhsil sektorlarının məsul şəxsləri tərəfindən tələbə qəbulu qaydaları, “Abituriyentin elektron ixtisas seçimi ərizəsi”nin doldurulma və təsdiq edilmə qaydası, müsabiqə şərtləri, ixtisas seçimi zamanı diqqət yetirilməli olan vacib məsələlər və s. haqqında ödənişsiz kömək göstəriləcək.
“Abituriyent Məsləhət Mərkəzləri” aşağıda qeyd olunan ünvanlarda təşkil olunacaq:
- 21 avqust tarixində – Cəlilabad ş., Cəlilabad şəhər 2 saylı orta məktəbində (Heydər Əliyev prospekti, 374);
- 22 avqust tarixində – Astara ş., Lənkəran Astara RTİ Astara təhsil sektorunda (İstiqlaliyyət küç., 3);
- 23 avqust tarixində – Masallı ş., Lənkəran Masallı RTİ Astara təhsil sektorunda (Heydər Əliyev prospekti, 34);
- 24 avqust tarixində – Yardımlı ş., Lənkəran Yardımlı RTİ Astara təhsil sektorunda (Heydər Əliyev prospekti, 122);
- 25 avqust tarixində – Lerik ş., Lənkəran Lerik RTİ Astara təhsil sektorunda (İ. Yaqubov küç., 3).
Qeyd edək ki, Lənkəran rayonu üzrə "Abituriyent Məsləhət Mərkəzi" 16-28 avqust tarixlərində hər gün DİM-in Lənkəran Regional Bölməsində təşkil olunacaq. Ünvan: Lənkəran şəhəri, H.Aslanov xiyabanı, 52.
