Cəlilabad rayonunun Qarakazımlı kəndində zəlzələdən çatlayan ev var. Bu haqda məlumatı Cenublu.az bu gün, 7 mart tarixində ARB-yə istinadən verir.
Evin sahibi Fəxrəddin Fərziyev bildirib ki, 2014-cü ildən bəri ev bərbad vəziyyətdədir.
“2014-cü ildə mən bu barədə ərizə ilə müraciət etmişəm. Özüm də İcra Hakimiyyətində dəfələrlə qəbulda olmuşam. Gəlib baxdılar, ancaq heç bir nəticəsi olmadı. Axırıncı dəfə 2023-cü ilin,gərək ki, avqustun 23-də, gecə saatlarında 3 dəfə zəlzələ oldu. Evin qalan hissələri də dağıldı. Imkanım olmadığı üçün yenə də aidiyyəti qurumlara müraciət etdim. Lakin mənim nə ərizəmə, nə də şikayətimə məhəl qoymadılar. Evin hər an uçma ehtimalı var. 30 ədəd dirək söykəmişəm sağına-soluna. Evin içinə dirək bərkitmişəm. Artıq 25-30 sm divar aralanıb, taxta vurmuşam, evi bu saxlayır”, - deyə şikayətçi bildirib.
