Lənkəran şəhəri, Şəhidlər xiyabanı küçəsindən Ələt-Astara magistral yoluna gedən ara küçədə yerləşən dirəklər qəzalı vəziyyətdədir. Bu haqda məlumatı Cenublu.az bu gün, 5 avqust tarixində verir.
Belə ki, rabitə dirəklərinin biri artıq istismar müddətini başa vurub, digəri isə yeni olsa da, aşma təhlükəsi ilə üzləşib. Sakinlər bildiriblər ki, vaxtında müdaxilə olunmasa və dirək aşsa, böyük bir ərazi telefonsuz və internetsiz qalacaq.
