Cəlilabad şəhərinin Qurtuluş küçəsində iməcilik təşkil edilib. Bu haqda məlumatı Cenublu.az bu gün, 19 aprel tarixində verir.
Aksiyada RİH-nin əməkdaşları, Uşaq Səfirlər Məclisinin region nümayəndəsi, şəhər 3 və 9 saylı tam orta məktəbin müəllim və şagird kollektivi, Rayon Kommunal Müəssisələri Kombinatının və Mənzil İstismar Sahəsinin əməkdaşları iştirak ediblər. İməcilik zamanı ağaclara qulluq edilib və ətrafında təmizlik işləri aparılıb.
İməcilik Uşaq Səfirlər Məclisinin Cəlilabad rayonu üzrə region nümayəndəsinin təşəbbüsü, Cəlilabad Rayon İcra Hakimiyyəti və Lənkəran–Astara Regional Təhsil İdarəsinin Cəlilabad rayonu üzrə təhsil sektorunun dəstəyi ilə baş tutub.
Tədbirin keçirilməsində məqsəd ekoloji vəziyyətin sağlamlaşdırılması, cəmiyyətdə təbiətə qayğını təbliğ etmək, ətraf mühitin qorunmasına, ən əsası da ölkədə keçirilən ekoloji tədbirlərdə yaxından iştirak etməkdən ibarətdir.
