Lənkəran Ağır Cinayətlər Məhkəməsində ölümlə nəticələnən qəza törədən Pənah Nəsirovun (şərti) cinayət işi üzrə məhkəmə istintaqı yekunlaşıb. Bu haqda məlumatı Cenublu.az bu gün, 18 avqust tarixində Oxu.az-a istinadən verir.
Məhkəmənin hökmü ilə təqsirləndirilənə 5 il müddətinə azadlıqdan məhrumetmə cəzası təyin edilib. O, cəzasını məntəqə tipli cəzaçəkmə müəssisəsində çəkəcək.
Qeyd edək ki, hadisə 21 noyabr 2021-ci il tarixində saat 15:00 radələrində Cəlilabad şəhəri, H.Əliyev prospektində baş verib. Rayon sakini, 24 yaşlı Pənah Nəsirov nəqliyyat vasitəsini idarə etmək hüququ və sürücülük vəsiqəsi olmadan idarə etdiyi “VAZ-2101” markalı avtomobillə yolu keçən piyada, rayon sakini, 47 yaşlı Şəfəq Məmmədovanı vurub.
Xəstəxanaya yerləşdirilən yaralı 28 fevral 2022-ci il tarixində dünyasını dəyişib.
