Cəlilabadda “Məişət zorakılığına qarşı mübarizə” adlı tədbir keçirilib. Bu haqda məlumatı Cenublu.az bu gün, 4 aprel tarixində verir.
Görüş Heydər Əliyev Mərkəzində baş tutub. Burada ölkəmizdə məişət zorakılığına qarşı mübarizə, zorakılığın doğurduğu mənfi hüquqi və sosial nəticələrin qarşısının alınması, məişət zorakılığından zərər çəkənlərin sosial müdafiəsi, habelə zorakılığa səbəb olan halların aradan qaldırılması barədə məlumat verilib.
Tədbirə RİH-nin Yetkinlik yaşına çatmayanların işləri və hüquqlarının müdafiəsi üzrə komissiyasının məsul katibi, məsləhətçi psixoloqu, rayon üzrə gənclər və idman, rayon təhsil sektorunun əməkdaşları, Heydər Əliyev Mərkəzinin direktoru, Vəkillər Kollegiyasının üzvü olan bir nəfər vəkil və ADPU Cəlilabad filalının, Tibb Kollecinin, Dövlət Peşə Təhsil Mərkəzinin və rayon tam orta məktəbinin müəllim, tələbə və şagirdləri olmaqla 200 nəfər qoşulub.
Yekunda iştirakçıları maraqlandıran suallar cavablandırılıb.
Görüş Rayon İcra Hakimiyyətinin və Lənkəran-Astara Regional Gənclər və İdman İdarəsinin birgə təşkilatçılığı ilə həyata keçirilib.
