Cəlilabad Rayon İcra Hakimiyyətinin başçısı Rafiq Cəlilov korrupsiyaya qarşı mübarizə ilə bağlı iclas keçirib. Bu haqda məlumatı Cenublu.az bu gün, 2 avqust tarixində verir.
Rayon icra hakimiyyətinin başçısı Rafiq Cəlilov tədbirdə “Korrupsiyaya qarşı mübarizənin gücləndirilməsinə dair 2022-2026-cı illər üçün Milli fəaliyyət Planı”nın təsdiq edilməsi haqqında Azərbaycan Respublikası Prezidentinin 4 aprel 2022-ci il tarixli, 3199 nömrəli Sərəncamı, Sərəncamla bağlı rayon İcra Hakimiyyətində Korrupsiyaya qarşı mübarizə komissiyasının yaradıldığını və komissiyanın Tədbirlər Planının təsdiq olunması barədə məlumat verib.
Rafiq Cəlilovun sözlərinə görə, korrupsiyaya qarşı mübarizə milli dövlət siyasətinin başlıca istiqamətlərindəndir.
Qeyd edək ki, iclasda rayon icra hakimiyyətinin başçısı Rafiq Cəlilov, RİH başçısı aparatının müavinləri, hüquq-mühafizə orqanları, rayon inzibati ərazi dairəsi üzrə nümayəndələr və bələdiyyə sədrləri iştirak ediblər.
