Dövlət Məşğulluq Agentliyi tərəfindən növbəti əmək yarmarkası Cəlilabadda baş tutub. Bu haqda məlumatı Cenublu.az bu gün, 1 mart tarixində Report.az-a istinadən verir.
Yarmarkaya dövlət və özəl sektorlardan olan işəgötürənlər, Məşğulluq filialının nümayəndələri, işsiz və işaxtaran şəxslər qatılıblar.
Tədbirdə iştirakçılara vakansiyaların tələbləri barədə məlumat verilib, onlarla ilkin müsahibələr aparılıb. Uyğun namizədlərin növbəti mərhələlərə cəlb ediləcəkləri bildirilib. Əlavə olaraq, vətəndaşlar agentliyin aktiv məşğulluq tədbirləri barədə məlumatlandırılıblar.
Qeyd edək ki, müraciət edənlər arasında sosial müdafiəyə xüsusi ehtiyacı olan şəxslər də olub.
